睇電視小弟最鍾意睇遊戲節目，睇住班演員、歌手玩到失魂又失儀就最過癮。之不過，講到好睇，本地遊戲節目真係追唔上日本，以AV女優為骨幹成員嘅大型女子團體惠比壽★麝香葡萄就有其專屬深夜節目《麝香葡萄之夜》，近幾集加入大量遊戲環節，玩到班女優露晒底，仲露埋家底，家陣即刻同大家睇一睇！
因為工作關係，小弟近幾年多次飛去日本參加不同嘅AV界盛事，包括堪稱AV界奧斯卡嘅「SkyPerfecTV成人放送大賞」以及「AV Open 2015」。親身去到活動現場同班AV女優影相、採訪梗係開心兼且令人羨慕又妒忌啦！但係，去日本採訪最好嘅地方就係可以畀我假公濟私，畀小弟去到日本感受當地嘅風土民情。晚黑返到酒店我就最鍾意邊飲啤酒邊吃零食，再睇日本電視台有乜節目，畀我發現佢哋嘅深宵節目相當開放，露點一樣出得街，露底就當然濕濕碎啦！不過一次過露出多條底褲的話就好少見，我所講嘅係《麝香葡萄之夜》呢個節目，喺第19集，主持人突然話要玩一二三紅綠燈，請咗包括明日花綺羅、上原亞衣、白石茉莉奈等女優出嚟玩。由於每次暫停都要女優們做出各種特殊動作，有女優就單腳企，有女優瞓晒身，好似田森美咲更加玩埋拱橋，而佢哋套制服裙相當短，搞到個個都露晒底，認真春光無限好，日本電視節目就係咁好睇囉！
班AV女優不嬲都慣咗剝光豬同男優肉搏，唔好講話喺電視節目中露底，就算嚟個野外露出都未驚過啦！我哋唔好大驚小怪啦！睇佢哋嘅節目，仲有一個要點值得欣賞，就係扮嘢功夫喇！女優們都演技出眾，從佢哋喺AV作品當中同男優做到七情上面可知一二，但係正常演技一樣出色，例如節目曾經搵萌系美少女櫻由羅嚟個電話騙案，打電話返屋企呃屋企人，阿妹你真係曳曳喇！另外，喺第21集班女優又大玩Cosplay，節目進行期間，主持之一嘅阿佐佐谷姊妹就推咗個神秘大木箱入錄影廠，另一主持人小木先生埋去一睇，嘩！入面有隻河童！唔使驚，世界上邊度有真河童，梗係人扮啦，不過女優就要估吓邊個扮成河童咁樣，原來佢係神崎紗依，之後又有永瀨彩扮《阿凡達》藍色潘朵拉星人，另外，小島麻奈美仲得意，居然扮《帶子雄郎》入面坐喺手推車嘅囝囝，仲好有誠意咁戴咗個假光頭仔頭套。
《麝香葡萄之夜》除咗揭露出女優們嘅底褲款式同顏色，仲反映出佢哋嘅扮嘢功夫外，喺第20集更加嚟個驚世大揭秘，就係揭露女優們身家之謎。當日節目正式錄影前，攝製隊同多位主持人突然叫晒班女優去休息室候命，趁佢哋個個都未換麝香葡萄隊員制服，睇吓女優們平時係以點樣嘅衣着出街。AV天后明日花綺羅一向都充滿動人神采，今次就畀主持人捉咗出嚟審查一身誇張打扮。綺羅打扮到好似貴婦咁，每件衣物都價值不菲，單係手上嘅名貴腕錶就已經價值770萬日圓，即係成五十幾萬港元！加埋其他名貴打扮，綺羅身上嘅服裝飾物總值超過七十萬港紙！簡直就係圈中富婆！至於三田羽衣亦唔輸蝕，手錶同手袋都各值30萬日圓。至於上原亞衣雖然密密拍AV又多活動，但係打扮相當樸素，甚至係老土，被主持人形容佢似村姑。至於形象一向都相當西化嘅蒂亞同樣打扮簡約，主持人仲發現佢件衫又舊又有污漬，而手提袋當中仲有本筆記寫低要改善嘅地方時刻警惕自己，被主持人大為讚揚勤奮節儉。《麝香葡萄之夜》咁精彩，大家不妨Click上www.dmm.com/digital/video/muscatnight/index_html/=/ch_navi=/嚟個節目重溫喇！
撰文：賢