張健峰幫老婆搶阿古路戰衣

香港隊一班戰將積極為今鬥阿根廷準備,除比賽外,仲包括為「交換球衣」呢個「關鍵環節」各出奇謀,其中張健峰就話「老婆大過囝囝」,揚言不理美斯fans的囝囝Aiden,而會盡力為老婆去搶換阿古路球衣!

「張峰」囝囝Aiden向來是巴塞隆拿球迷,尤其鍾意美斯,當然有要求爸爸為他交換「球王」的波衫啦!不過,張健峰就話:「我希望可以換到阿古路件波衫,因為老婆大人喜歡嘛!」不過,他笑言Aiden嘅心情並未因而受影響,反而承諾今日會快嘅做晒功課,以趕及與媽媽一起入場撐「爹哋」,真係非常乖仔!

黃洋:自己嗰件最矜貴

不過,並非每位港將都熱衷於交換球衣,黃洋就認為大戰過後,自己着嗰件波衫其實更有紀念價值:「阿根廷波衫可以自己買嘛!」他又希望球迷可以支持「自己友」,齊齊穿起港隊波衫入場打氣,支持港隊。