自從巴西於1970年成為首支三奪世盃冠軍嘅球隊、永久保存了雷米金盃之後（據報真正嘅雷米金盃已於1983年被盜走兼熔化，現存放的是複製品），「大力神盃」於1974年那一屆開始便成為世界盃嘅官方獎座。呢個高36厘米、重量4.97公斤，用18克黃金製成嘅獎盃，底座鑲有兩圈墨綠色孔雀石，造型為兩個大力士雙手高舉地球，代表着球壇最高榮譽。「大力神盃」用咗接近一年時間、經歷全球89個國家巡迴展覽，日前已經送返里約熱內盧，之後會繼續於巴西國內27個城市巡迴展出，最後會再折返決賽場地里約熱內盧，睇吓最後邊支球隊可以帶佢返屋企。