NBA球員退役後可以做甚麼呢？答案可能係五花八門，不過大部分都係從事番同籃球相關嘅工作，好似教練同評述員等。但今季回歸活塞的控衞比立斯（Chauncey Billups）就很可能會轉型做餐飲業大王，據美國媒體《CBS》透露，比立斯已經收購了一大堆快餐連鎖店。
比立斯早前同前NBA球員布歷治文（Junior Bridgeman）聯手，收購了30家Wendy's餐廳，大部分係位於聖路易斯地區。Wendy's係美國第三大漢堡快餐連鎖店，在全世界超過20個國家都有分店。事實上，布歷治文早年已一直專注Wendy's特許經營權，他到目前已擁有196家該快餐店的股份。布歷治文今次聯同比立斯成立一間名BB St Louis的公司，再次購入30家分店。
實際上，今次係比立斯首次進軍餐飲業，他明顯正在考慮自己退役後的生活。比立斯之前曾表示未來希望從事球隊管理層工作，但與布歷治文聯手進軍快餐行業，似乎係一個不錯的選擇。Wendy's的CEO對今次收購非常滿意，認為布歷治文係一個優秀的管理人，同時非常歡迎比立斯加入大家庭。
將來有一日，球迷們如果要再見到比立斯，可能佢就在其中一間快餐店。憑藉多年來精準的傳球，比立斯快餐店的上菜速度相信都不會讓人失望吧！