Yannes肚腩仔拜拜

早幾日《炎夏冷運動》介紹「水中aerobic」得到好大回響，唔少人都問仲有無「加強版」課程！有見及此，我哋請嚟教練YY再教多幾招，佢話如果跳住aerobic再加「水中跑步」，所消耗嘅卡路里會比平時多40%，聽落都幾划算！講到咁犀利，一於就搵曾經係「排球女將」嘅靚女蕭嘉欣（Yannes）試吓，睇睇可唔可以極速踢走脂肪啦！
Yannes
Yannes

身高1米70、本身係排球校隊主力嘅Yannes，因所轉新校冇排球隊而少咗打波，搞到開始有個肚腩仔。為咗「消腩肉」，Yannes決定試一試「水中aerobic + 跑步」。教練YY就解釋呢項運動嘅作用：「其實好簡單，只要喺一邊跳『水中aerobic』，同時加上前後左右跑動，由於喺水入面有阻力，咁就可以大大加強運動量，對於增進心肺功能好有效！」

唔覺攰唔易傷

YY續說：「水嘅承托力可以減去身體一半重量，令人好輕鬆咁完成喺陸上屬高負荷動作，減少受傷機會嘅同時，據研究顯示若做同樣動作，喺水中只需用動上大約7成力就收到同樣效果，可以話係事半功倍！」

秘技5式你要識<br>第1式：拎起啞鈴前後擺動主要練二頭肌同老鼠仔，再加上向前後跑動，更快燃燒脂肪。
  • 秘技5式你要識
    第1式：拎起啞鈴前後擺動主要練二頭肌同老鼠仔，再加上向前後跑動，更快燃燒脂肪。
第2式<br>攞住啞鈴做步操，一方面訓練手臂肌肉，亦可以訓練手腳協調，但記住左手配右腳，唔係左手跟左腳。
  • 第2式
    攞住啞鈴做步操，一方面訓練手臂肌肉，亦可以訓練手腳協調，但記住左手配右腳，唔係左手跟左腳。

有排球運動根底嘅Yannes，練完「入門5式」後雖然成身散晒，但就話感覺輕鬆咗好多：「練之前聽教練YY話跳aerobic加水中跑，可以消耗嘅卡路里會比平時多40%，於是我梗係搏命做啦！雖然猛咁做，但又唔覺太攰，不過跳完後就感覺到好似打完一場激烈球賽，身體輕鬆晒好有快感，即刻醒神咗好多！」Yannes仲話比起以前打排球搞到成身汗好唔舒服，依家可以涼浸浸咁浸喺水入面做運動，唔使熱又唔易整親、直頭係舒舒服服，真係好適合女孩子喺暑假用嚟Keep Fit！

第3式<br>呢個大字形動作，可一次過練大腿外側同膊頭肌肉之外，亦可加強手腳協調。
  • 第3式
    呢個大字形動作，可一次過練大腿外側同膊頭肌肉之外，亦可加強手腳協調。
第4式<br>交叉手就要前後走，記住重點在於力量放喺前臂位，可鍛煉手腕及前臂力量。
  • 第4式
    交叉手就要前後走，記住重點在於力量放喺前臂位，可鍛煉手腕及前臂力量。
第5式<br>左右轉嘅動作，可左右交替地鍛煉背肌，若同時加上前後走動，運動量之高可提升心肺功能。
  • 第5式
    左右轉嘅動作，可左右交替地鍛煉背肌，若同時加上前後走動，運動量之高可提升心肺功能。
落水前記得做熱身呀!
  • 落水前記得做熱身呀!

溫馨提示

●一如做其他運動，跳水中aerobic前都要熱身拉筋，防止抽筋。

●運動前一小時切忌飽肚或空肚，可先吃流質食物補充體力。

●有皮膚病或傷口就不宜落水，以免交差感染。

●有心臟病或不能作劇烈運動人士，可先向教練查詢。

●不懂游泳人士亦可參加。

空心啞鈴水中見威力

●在水中的空心啞鈴因浮力而變重，相反注滿水的卻有水承托力而變輕。

●可穿泳衣或跣水裝束，並以舒適為主，但由於衞生問題，盡量避免穿棉質T恤。

落水前記得做熱身呀!

圖、文：司徒子文

鳴謝：德藝會(2993 6688)