効力木狼嘅基利蘭高（Andrei Kirilenko）上季喺停擺期間返回俄羅斯莫斯科中央陸軍，憑優異表演橫掃歐洲籃球聯賽MVP同最佳防守球員兩大獎項，呢位31歲球星今季重返NBA亦都Keep住有好表現，昨日力壓加素同魯域斯基兩大球星，獲《米蘭體育報》選為「2012年度歐洲最佳球員」。AK威到爆，但佢嘅所屬球隊木狼就持續低迷，昨日主場以94比104不敵馬刺，近9戰輸足8場，不過今仗基利蘭高因傷倦勤，並冇上陣。