成日聽到有人話，去公眾泳池游水時會喺水中「尿尿」，依家就有位前美國國家隊女隊員吉荷爆料，呢啲事都會喺奧運度發生。佢就話：「比賽期間最容易『方便』嘅時候係游蛙式踢腳時，如果呢個時候有啲急，咁你會有足夠嘅滑行時間做呢啲嘢！我絕對唔係講笑，雖然我哋都想落水前可以解決，但有時身體都會因緊張而唔聽話，所以作為泳手就必須接受喺尿液入面游水呢個事實。」吉荷亦爆料話曾經有隊友坐喺池邊大嗌自己正在「方便」，雖然很惡心，但至少佢夠坦白。