蘇亞雷斯輸剩把口

一如所料，蘇亞雷斯依然得到主隊球迷「特別照顧」，今仗賽前兩軍唱國歌，當大銀幕播出「哨牙蘇」時，全場球迷立即起哄，噓聲如雷貫耳，果然係犯眾憎。賽後呢位紅軍射手就指摘「英粉」：「因為佢哋知道我嘅厲害，驚咗我先係咁噓，講真我真係有啲難過，呢啲行為反映佢哋唔識得尊重別人。」

講番場波，英國憑住車路士前鋒史杜列治半場前一箭定江山，以1比0擊敗烏拉圭，領隊皮雅斯更是繼1948年名帥畢樹比爵士後，第二位能帶領英軍於單屆奧運取得連勝嘅主帥，備受壓力嘅「阿皮」總算威番次。