渡海濠情：五年情若冰 難忘吊吊揈
被喻為公仔箱金童玉女嘅一對，有傳感情一朝了斷，唔少師奶同粉絲，都各自替自己嘅偶像難過，就好似嚟自龍會嘅靚女果果，佢話睇到呢段新聞，即時感同身受，悲從中來，唔通佢都有段七年戀情，一樣無法開花結果？
感情變淡
果果話：「我冇咁長時間，但都有五年，我哋同樣被人喻為金童玉女，但唔係電視界，而係工廠車間，我記得18歲都未夠就認識佢，佢當時同我一樣係新人，乜都唔識好似白紙一張，後嚟我哋喺埋一齊，互相鼓勵，五年裏面，公司畀咗好多機會我，所以好快就由新人升上阿姐位置，工作量大增，晚晚都要加班，我哋自然聚少離多，漸漸發覺大家嘅隔膜愈嚟愈大，爭拗多咗，感情淡咗，惟有走出分手嘅一步。」點解故事咁似公仔箱兩個嘅，真係日光之下無新事。
畀人(目及)晒
果果話：「唔只呢樣嘢似，我男朋友同『金童』仲有樣嘢似，就係佢一放工返宿舍，就會剝晒衫褲，赤條條咁走嚟走去，有時冇拉窗簾，隔籬宿舍嘅工友睇到，就會用手機將佢拍低，仲將照片傳到全工廠都知，但佢覺得冇嘢，繼續喺宿舍赤條條。」咁你返到去，會唔會都赤條條呢？果果一笑：「兩個人喺埋一齊，冇理由一個赤條條，一個仲穿着整齊啩？」咁分手後有冇仲掛住佢呢？果果話：「有時都有！特別係佢吊吊揈嘅樣，真係會令我一生難忘。」
果果Profile
年齡：22歲
三圍：35-24-35
撰文：賢
攝影：阿章