男仔頭小五留到依家
不僅對游泳專一，施幸余自04年首戰雅典奧運至今，髮型都始終如一。當事人大爆原來自學習游水後便一直以「男仔頭」示人，她強調將來有朝退役才會留長髮轉轉形象。
方便游水 退役至留番長
施幸余一頭清爽短髮令人印象深刻，不過她原來不喜歡這個自小五開始保持的髮型：「剪短頭髮因為方便游水，但其實我都唔鍾意呢個髮型，曾經一度想剃光頭添。其實細個時都有留過長髮紮孖辮，現在要等到退役後先會試試。」
最想施幸余留長髮當然是施媽媽，不過原來當日學游水，施媽及施爸曾一度反對，施幸余說：「小學有次學游水唔小心飲咗啖水，竟然嚇到拋開塊浮板係咁掙扎，搞到差啲遇溺，之後爸媽就唔想我再學游泳，但自己卻冇有怕，有日瞞住家人在學校參加游泳班，咁就做咗游泳運動員！」