肌萎濠仔盼獲電動輪椅
行動不便，無礙陳嘉濠的求學意志；即使飽受身體痛楚，亦未有抹去臉上笑容！今年十三歲的濠仔自歲半起罹患肌肉萎縮症，並無藥可醫，身體機能只會不斷衰退。濠仔近日因手腳活動能力大減，需以電動輪椅代步，因家庭經濟拮据、無法籌措四萬多元購置而向東方日報慈善基金求助，希望能藉以改善活動能力。
「細細個發現佢企唔穩，驗咗先知道有呢個病，依家佢愈嚟愈重，即使抱都抱得好辛苦。」陳太向記者展示布滿青筋的雙手，指肌肉因長期勞損而出現麻痹疼痛，幸好濠仔乖巧聽話，性格樂觀的「開心果」亦為母親提供源源不絕的動力。
減輕媽咪勞累
因應兒子行動不便，多年來陳母一直充當濠仔的雙足，疑因長期「抱出抱入」而出現腰患，但仍無礙她對貼身照顧兒子的堅持，「佢會成日問我辛唔辛苦，又叫我要休息，仲會成日氹我笑！」母子倆互相支持，關係更見親密融洽，惟隨着濠仔日漸年長，出入更加不便。
事實上，受病患影響，濠仔的活動能力亦每況愈下，「三年級跌斷過腳，之後情況就一直差落去，雙手又冇力推（輪椅），如果有電動輪椅就唔使行兩步都要人幫！」濠仔指電動輪椅不但可調校椅背角度，令肌肉不易因長期麻痹而壞死，亦可自行操作移動，減輕母親勞累。「因為屋企冇錢，所以唔可以好似其他同學咁有自己嘅電動輪椅，唔使人推都可以郁到，依家咁樣真係辛苦咗媽咪！」母親處處為兒子着想，兒子年紀雖小亦能體恤母親，足顯母子情深。
濠仔生於基層家庭，只靠父親當保安員的微薄收入維持生計，希望能透過東方日報慈善基金呼籲善長慷慨解囊，協助添置電動輪椅，「希望有一日我都可以跟上朋友嘅步伐，同埋可以靠自己出到屋企門口同落街！」
捐款編號：12221
記者阮佩君