美小報踢爆同劉易斯有路
「大帝」喺總決賽嘅低迷表現，就好似1998世界盃決賽，朗拿度突然演出走樣，一樣令人摸不着頭腦。有傳媒幫勒邦占士統計，喺５場總決賽嘅11次關鍵投籃，竟然一球都冇入過，而佢喺５場波第四節加埋嘅得分，竟然只得11分，同魯域斯基嘅52分相比，簡直係差天共地！
勒邦占士表現走樣，有人歸咎佢打得倦，因為佢今季已上陣100場，創下職業生涯新高，出場時間足足有3945分鐘。不過，美國小報踢爆，指勒邦占士演出失準，係因為女友莎雲娜搭上咗巫師球星劉易斯。據講劉易斯喺一次旅行認識咗莎雲娜之後，兩人隨即發生關係，唔怪得「大帝」打波好似心事重重咁啦！