高比搞基金流浪漢受惠

湖人早早畢業，主將高比拜仁善用暑假做善事，佢日前成立咗一個慈善基金，幫助無家可歸嘅人，估計會有一千六百多名流浪漢得益，高比仔仲用埋自己同老婆嘅名做慈善基金嘅名字，氹得老婆相當高興。高比仔一向落力推行慈善及社區工作，早於1998年，已成立咗貧困兒童基金，更於2009年被任命為中美慈善大使，與中國宋慶齡基金簽訂合作協議，協助內地籌集善款，用於教育及醫療項目。