周文曦：青訓點難都要搞！
晨曦今季首次成立青訓組，並有良好成果，班主之一的周文曦回顧過去一年的努力，有感而發：「好難搞，但係難都要搞！因為搞好青訓一直係晨曦嘅心願！」他又稱：「淨係安排場地，已經要花好多工夫，冇場點搞青訓呀？我哋唔理政府做過啲乜！足總搞成點！晨曦都會自己去做，青訓組成立咗一年左右，成績我好滿意，見到啲年輕人全情投入去練，班教練亦全心全意去教，去比賽有成績返嚟，同時冇話影響到啲球員嘅學業，我最開心就係見到咁。」
周文曦補充謂曼聯當年成功栽培出「七小福」，到今時今日都產生到影響，證明青訓對一間球會的長遠發展有多重要。周文曦對季中提升為甲組腳的「青訓產品」陳聲揚亦印象良好，希望他能把握時機，成為一隊主力的同時，亦可作為「後浪」的奮鬥目標。
李珊珊：家長支持好難得
晨曦另一「足球狂熱分子」足球大使李珊珊，在青訓組草擬成立之初，便開始落手落腳，身為幕後功臣的她也顯得分外感觸。
「珊珊」謂要達成「心願」，需要多方面配合：「真係要多謝幾支梯隊球員嘅家長，佢哋唔止精神上支持，仲花時間陪囝囝練習同出賽，好難得！」