黎新祥紀念賽200好友門生最後致敬

偉仔率銀禧歷程掄元

為悼念早前因病逝世嘅「青訓之父」黎新祥，一班好友及歷屆弟子昨午在體院參加「黎新祥紀念賽」，黎太與女兒出席主持悼念儀式，又展出黎Sir生前各個時代照片，緬懷一番。由逾二百名黎Sir生前好友及弟子分別組成八支球隊角逐，最後有譚兆偉、歐偉倫壓陣嘅「銀禧歷程」打入決賽鬥「教育學院」，結果兩無紀錄，互射十二碼銀禧歷程以五比四勝出。

今次活動由「銀禧歷程」主辦，前東方名將潘嘉明擔任召集人，他說：「『銀禧歷程』成立於九三年，成員全屬黎Sir門生，十多年來主要活動就係向黎Sir拜年，黎Sir走咗之後，以後每年都會搞紀念賽懷念佢。」

黎太與女兒亦有出席。	搞手潘嘉明（中）表示以後每年都會搞紀念賽。	首徒譚兆偉（左）率領「銀禧歷程」在決賽擊敗教院。