本文重點
湖人昨日主場以一二五比一一二擊敗爵士，以六十五勝十七負成績，完成今季常規賽。爵士輸波後，亦鎖定以西岸第八名出線，首圈即碰上西岸冠軍湖人，故湖人今場大勝，相信會對季後賽打下強心針。
早已取得西岸首名出線資格嘅湖人，今仗打來相當輕鬆，大部分時間以後備落場，但仍然節節領先，直至第三節湖人先拉開紀錄，主將高比拜仁上陣二十六分鐘，攻入十六分及貢獻五次助攻，中鋒拜林傷愈復出後，第四次上陣表現一場比一場好，喺內線充滿霸氣，今仗個人獨取二十二分，係湖人今仗得分最高球員。
公牛擬拍賣佐敦珍品
湖人上季都係西岸常規賽成績最好嘅球隊，但只係贏咗五十七場，今季勝仗大幅增至六十五場，可謂霸氣盡現。四日後，兩隊將於季後賽首圈相遇，湖人今場贏波信心肯定大增，有利喺季後賽爭取佳績。
此外，公牛有意拍賣「波神」米高佐敦嘅物品，作慈善用途。呢批物品包括更衣室衣櫃、波衫同簽名波鞋，香港嘅「米高佐敦」粉絲們要留意喇！
■本報綜合報道