我個英文名叫Aaron，花名係石仔，以前都試過同屋企人去泰國、台北同埋南韓等地旅行，今次嚟西班牙則係我第一次自己一個去咁遠地方，其實出發前我都好唔捨得媽咪㗎，仲忍唔住喊咗出嚟添！嚟到呢度我都有少少掛住屋企，冇乜心情接受訪問，不過哥哥話出咗報紙媽咪就可以見到我，所以我先至肯咋！
今次原本媽咪都想話一齊嚟，但我就叫佢不如畀個機會我學吓獨立，加上有好朋友Matthew嘅媽咪幫手照顧我，所以冇問題嘅！雖然同香港有時差，但我冇乜唔適應，嚟咗呢度兩日，啲嘢食都唔錯吖，我冇唔習慣喎，可以趁機會同媽咪講聲放心，我大個仔喇！
石鎧泓 9歲
聖公會柴灣聖米迦勒小學4年級
