政情：傳改特權法批准Zoom開會 謝偉俊：未開展

或以人面辨識方式投票

立法會議事規則委員會主席謝偉俊，話下一步議事規則修訂可能會探討以遙距方式召開包括大會、內務委員會及財務委員會等會議。至於議員如何就法案及議案表決，有消息指可能研發人面辨識方式投票，謝就話只係聽聞委員建議，未有展開相關修訂工作。

展望將來，民主派議員阻礙會議進行嘅機率雖然唔高，但謝指仍需為突發情況做準備，確保有需要時仍可如常開會，儘管有關修訂可行，但未必喺今屆立法會任期內完成修訂工作。謝又透露正準備新一輪嘅議事規則修訂工作，但內容零碎，適時會再作公布。