政府規定市民去食肆要掃安心出行，又或者寫低姓名同電話等個人資料，但有食肆話只會接待掃安心出行嘅食客，事關冇辦法識別食客留低嘅資料，因為有啲食客寫嘅係假資料，唔好話追蹤，連通知佢哋可能染疫都唔得。睇怕呢班市民都係唔信政府，專登寫假資料，但負責執法嘅食環署管唔到市民寫假資料，咁擺明係漏招，啲防疫政策甩甩漏漏，唔怪得無法「清零」，署理署長黃淑嫻口講加強執法都冇用，快啲諗計堵塞呢個漏洞喇！
