政府尋日傍晚宣布聽日會放寬禁聚令，包括恢復晚市堂食，而美容院等處所可以重新開業，但係點樣保障大家嘅安全，好多僱員都要去做檢測。話時話，早兩日多間檢測中心已逼爆，事關僱主要求冇染疫先可以返工，喺放寬限制後，肯定有更多僱員去做檢測，但食物及衞生局局長陳肇始只係話會派多啲樽仔，試問點幫到啲僱員吖！陳肇始搞抗疫唔單止慢幾十拍，做樣樣嘢都後知後覺，唔怪得搞到民怨沸騰喇！
