農曆新年就嚟到，但隨着本港疫情持續，唔少聚會都被迫腰斬，就連立法會都要連續兩年取消新春午宴，冇辦法維持傳統。
往年立法會會喺大樓宴會廳舉辦新春午宴，邀請特首、行政會議成員同主要官員參加。十幾人坐埋一枱、聚首一堂嘅同時，仲為咗促進官員同立法會嘅溝通，希望行政同立法機關可以互相尊重、各司其職。但據了解，今年由於疫情關係，會繼續取消舉辦新春午宴。
立法會主席梁君彥往年形容舉行春茗係立法會嘅優良傳統，但去年同樣因為疫情要取消舉辦新春午宴。隨着本港疫情反覆，政府又實施一系列防疫措施，立法會都冇理由繼續舉辦聚會嘅，容乜易爆發立法會群組，都係可免則免嘞！睇嚟惟有寄望下年可以順利舉辦喇！