政情：公民講場：港臨最黑暗時期 羅致光闊佬懶理

疫情重挫香港經濟，失業率屢創新高。唔單止勞工界預計失業情況衰過2003年沙士時期，有商會代表更預計今年首季經濟差，形容可能係「最黑暗的時間」，叫政府要幫手，讓企業喺疫苗到港前渡過難關。話時話，無論商界同勞工界都叫苦連天，但勞工及福利局局長羅致光表明唔會再有保就業計劃，亦堅拒設立失業援助金，但又冇推出其他招數幫手，包括羅致光在內班高官就薪高糧準，市民就勒緊褲頭，班高官咁離地，唔怪得搞到民怨沸騰。