每個藝人都想攀上一線位置，但係三線可能更加有「錢」途，講緊嘅係三線發展呀！好似日本寫真界索女片山萌美咁，同時喺電視界、電影界同寫真界發展，真係豬籠入水呀！
日本寫真界一向盛產巨乳妹，不過佢哋大部分都生得細細粒，有啲甚至予人又肥又矮嘅印象。雖然高挑又好波嘅寫真女優都有唔少，但係數來數去都係得「寫真界最強Body」、擁有5呎9吋嘅染谷有香，究竟寫真界有冇人可以挑戰到佢呢？梗係有啦！就係有「最強美乳」封號嘅片山萌美。
今年30歲嘅佢，氣質綺麗高貴，面上有幾粒痣，帶點傳統和風美人嘅感覺，同時又多添幾分銷魂美。論身材就真係冇得頂，身高5呎7吋，高挑之餘，雙腿夠修長，而且胸前一對G奶相當凸出！雖然好多人都話佢雙峰質感柔軟，睇落有少少下垂，但計我話瑕不掩瑜，因為咁樣令人一眼就睇得出係天然真波！
萌美近期曝光率相當高，喺好多雜誌都可以見到佢嘅性感水着寫真，佢以前呈現一種柔弱病態美，但自從拍完一輯全裸寫真之後，就刻意走健康形象，而且多咗笑容，散發出陽光正能量。
提到全裸寫真，一般嚟講，好多寫真女優行到呢一步都好難返轉頭，但係萌美就啱啱相反，令事業更上一層樓，唔單止繼續喺寫真界發光發熱，仲參與演出電視劇同電影，成為三線發展藝能人。就以近期為例，佢演出嘅電視劇《警視廳強行犯係樋口顯》正在日本熱播中；至於電影方面，參演嘅《手塚治虫迷幻少女》喺上年年尾上映，雖然萌美唔係女主角，但演技亦備受讚賞。
片山萌美近期主力拍攝電視劇，從其社交網中就可以見到好多拍攝花絮，大家可以睇到阿妹喺鏡頭背後原來相當可愛。
網址：https://twitter.com/neichiamo?lang=ja
年齡：30歲
身高：5呎7吋
三圍：37G-24-34
撰文：賢