香港尋日首度封鎖佐敦指定區域，強制居民進行病毒檢測；巧合嘅係，最先爆發疫情嘅重災區武漢亦喺舊年嘅同一日宣布封城。依家正擔任政策創新與統籌辦事處副總監嘅馮浩賢（Vincent），當時正出任香港駐武漢辦事處主任，佢尋日就喺Facebook（Fb）貼文，形容見到香港亦要實施「封城」措施，「心裏實在有點彆扭」。
Vincent喺Fb回顧武漢封城一周年，提到當日凌晨4點得知要封城，決定唔走陪同其他滯留當地嘅香港人。而巧合嘅係，港府亦同樣喺凌晨4點宣布封鎖佐敦指定區域。佢又話，覺得「抗疫尚未成功、同志仍需努力」呢句說話仲要繼續講多一段時間，依家可能真係無好嘅方法可以立即解決問題。佢仲提醒每個香港人都要做好自己抗疫嘅分內事。