中環出更：一哥再化身一柴換紙斟水 鄧炳強：小事成就大意義

宣傳片《守城》已播出

警方新短片嘅背景係報案室，有個警署警長發現影印機入面無紙，着住高級警員衫嘅鄧炳強立刻為佢入番白紙，但個警署警長無發現幫佢嘅人原來係「一哥」。之後喺另外一個轉角位，一個女警發現飲水機冇水，鄧又幫助換水，仲幫佢斟埋添！到最後鄧再幫忙遞釘書機嘅釘，先至畀附近嘅便衣發現！

「一哥」最後話：「其實角色無分大小，只要能夠令到其他同事工作順利，就係有大意義。」而在貼文上，警方話「警隊最新宣傳片《守城》入面，都有一個小角色，做緊一啲好似好小嘅事情，但卻係守護我城嘅重要一員！」

《守城》講述警隊成功拘捕恐怖組織頭目，其黨羽在全港多處策劃恐怖襲擊，挾持人質以威逼警隊釋放其首腦，宣傳片尋晚已分別喺無綫電視翡翠台同香港警隊社交平台發布。

卓妮