香港人口老化問題嚴重，勞工及福利局局長羅致光喺年初曾經講過，估計20年後每年增幅會係嗰時嘅4倍或以上，仲話無論政府點努力，即使以後每年啟動十九間資助安老院嘅興建工作，仍然只係「追落後」。之但係依家講緊嘅最新數字，係平均輪候時間超過40個月，唔單止要靠彩數，仲要鬥長命，好彩嘅先等得到。試問咁樣叫「追落後」咩？實際係追極都追唔到先啱，唔該羅致光為啲長者再諗吓計好冇？
