立法會早前試用遙距會議軟件Zoom舉行非正式會議，其中議事規則委員會亦通過喺事務委員會同法案委員會使用Zoom開會。不過近日傳出「內情」，原來唔少議員都唔多滿意Zoom提供嘅虛擬背景，嫌身處美國「政治不正確」，又嫌身處太空「堅離地」，要請秘書處出手補鑊咁話。
部分議員為免畀大家睇到自己實際身處嘅環境，之但係Zoom提供嘅兩款虛擬背景，若非美國金門大橋，就係浩瀚嘅星空，兩者都令人揀唔落手。議員陳振英話，使用前者就猶如身處美國參與立法會會議，感覺未免太奇怪；而後者飛咗去外太空開會，會畀人笑係「唔貼地」。議員陳克勤都有同感，話若然用美國金門大橋做背景，似乎係「政治不正確」；若然用星空做背景，就係「堅離地」，希望盡快有更多適合嘅選擇啊。
據議員所講，向秘書處提出意見時，對方二話不說，即刻應承為議員製作唔同款式嘅虛擬背景，用立法會各個角落做設計，務求令議員時刻置身議會喎。卓妮
| 人人做記者 爆料方法 : | 爆料熱線： | (852) 3600 3600 | 電 郵： | news@opg.com.hk | 網上爆料 |
| 傳 真： | (852) 3600 8800 | 手機網站： | m.on.cc | ||
| SMS： | (852) 6500 6500 | MMS： | ireport@on.cc |
