年關將至，普羅大眾除咗要準備一筆錢嚟過年，亦係繳納稅款嘅時候，但由於疫情重創經濟巿道，於是就有人主張提早支取部分強積金款項，以應付短期嘅財政需要，然而建議遭政府否決，理由係免得累算權益流失，影響到滾存增值從而削弱退休儲蓄嘅目的咁話。其實財庫局局長許正宇有冇諗過，迫在眉睫嘅年關都未解決，一講就講到退休咁長遠，係咪有啲離地呢？況且僱員部分嘅強積金供款都係打工仔嘅血汗錢呀！點解唔可以動用呢？
