政情：促印花稅委員會撤辣 石禮謙：不可被政府牽鼻走
政府早前提出修訂印花稅條例，以調低某啲非住宅物業嘅印花稅。立法會《2020年印花稅（修訂）條例草案》委員會尋日舉行首次會議，議員石禮謙喺會議上稱不可「被政府牽着鼻子走」，建議委員會要盡快完成工作。
「開一次會」就可完成審議
會議先選舉主席，進出口界議員黃定光提名商界議員林健鋒，林在無競爭下當選主席，委員一致認同毋須選舉副主席。黃認為疫情下應避免公眾人士到立法會表達意見，以免疫情喺大樓爆發，獲委員一致同意。
議員石禮謙就話，委員會要處理嘅事項十分簡單，認為「開一次會、最多兩次」就可完成委員會事務。佢促請盡快安排會議日期，不可「被政府牽着鼻子走」，委員會完成後盡快提交內務委員會，再將事項交予政府處理。新任主席林健鋒認同石禮謙嘅意見，會同秘書處溝通後盡快安排下次會議。
政府於2013年推出雙倍印花稅，旨在遏抑本地對住宅及非住宅物業嘅需求。由於中美貿易摩擦、香港社會事件及新冠肺炎冠狀疫情影響，非住宅物業成交宗數大幅下跌，政府終「跪低」，撤銷非住宅物業雙倍印花稅「辣招」。