政情：識時務者梁家傑 怕「送頭」兩拒海外對談

袋巾傑尋日接受電視傳媒訪問時，話已經拒絕咗兩個歐洲議會或美國邀請嘅網上對談，認為應該要小心啲。佢解釋話《港區國安法》已存在法律之中，與其「送頭」、硬闖或硬碰，不如保留實力；仲舉例話同外國對談過程中，或者會有人講中央政府不合意嘅言論，若出席對談時唔出聲即屬默認該說法，所以認為對談可免則免；之不過佢又話，如獲駐港外國使節邀請對談，出席亦屬正常喎。

有黨員提出解散公民黨

袋巾傑又話該黨喺3名前議員被DQ後曾召開會議，當中有人曾提出解散公文袋，但佢認為黨內仍有500幾位黨員，並非所有人都退黨，而且喺社會上仍有一定支持，一旦解散會難以交代；佢又對多名區議員退黨感心痛，會同餘下嘅區議員直接溝通。