要有效控疫，最好就係避免人群聚集，因此下個月嘅新春花車巡遊同賀歲煙花匯演都宣告取消，至於向來以熱鬧著稱嘅年宵市場，就不設乾貨同快餐攤位。然而只維持售賣年花等濕貨，仍無法免於播疫嘅風險，所以好多花農都擔心，今次嘅年宵市場有取消嘅可能，從而影響到屆時嘅生意部署。依家距離農曆新年只係得番幾個禮拜時間，到底嚟緊嘅年宵市場係點樣安排呢？食環署署長劉利群真係要快啲公布呀！
