近期英國發現變種病毒，傳播極快，直情要封城。但港府又係慢十拍，決定唔畀英國航機到港後，已發現有兩宗由英國輸入嘅新病毒個案，更弊嘅係有指南非已出現另一種變種毒株，比英國嘅變種病毒更具傳染性，仲已發現病例添，多個國家已宣布禁止來自南非嘅航班入境嘞！有議員朝早出聲叫政府下禁令，唔好畀相關人士來港或延長強制檢疫時間，但食物及衞生局局長陳肇始到深夜先有回應話限制入境。要踢一腳先郁一下，唔怪得政府被鬧爆抗疫無能，累死市民喇！
