政情：公民講場：病人密密逃離 高拔陞瞓醒未

公立醫院唔單止面對醫護人手短缺、床位爆煲嘅問題，仲有更嚴重嘅保安疏漏。話說日前有染疫嘅病人逃出公院，潛逃3日先被緝獲，病人仲拒絕透露嗰幾日嘅行程，可能佢已經喺社區播毒。話口未完，北大嶼山醫院又有女病人逃院，呢次就證實病人冇染疫啫，否則就大件事，下次係咪咁好彩呢？接連發生病人逃院嘅事件，反映公院保安響起警號，究竟醫院管理局行政總裁高拔陞瞓醒未，逃院一宗都嫌多，唔該佢咪抱住僥倖嘅心態，快啲堵截漏洞。