政情：大學淪戰場 何順文：追求自由須合法
去年反修例風波中，多間大學都淪為「戰場」。恒生大學校長何順文認同近年社會愈趨對立，強調追求自由時，必須合法同尊重其他人。
面對現時對立嘅社會環境，擔任校長都困難重重，最近中文大學校長段崇智就連番被批評縱容校內「黑暴」。何順文喺恒大傳播學院嘅訪談節目上分享心得，佢話作為校長，好多時要判斷形勢、適時反應，最重要係守護大學嘅核心價值，包括學術自由、學校自主等；同時包括普世核心價值，例如人權、自由、平等。不過，佢強調追求自由時，必須合法同尊重其他人，更加唔可以侵犯他人自由啊。
寄語學生如竹子屹立
佢亦分享咗年輕時曾遠赴美國、英國留學嘅經驗，鼓勵年輕人放遠目光，唔好局限自己，追尋香港以外嘅發展機會。對於恒生大學有「竹子大學」之稱，何寄語學生要好似竹子一樣，虛心學習、面對逆境時屹立不倒。無論學生將來從事任何工作都好，何希望佢哋都可以獲得滿足感，貢獻社會啊！