全球都嚴陣以待，以防由英國傳入變種病毒，而香港就除咗暫停英國赴港嘅航班，又要求由英國抵港嘅人士入住指定酒店隔離14日後，再額外居家隔離7日。政府既然高度防範變種病毒，點解額外隔離嘅日子要喺家中度過呢？若果有閃失的話，豈不是有機會造成社區傳播？呼吸系統專科醫生梁子超就認為，一律喺指定檢疫酒店隔離21日仲好啦，況且要堵截病毒傳播亦相對容易。政府嘅隔離方案唔湯唔水，而據講變種病毒嘅傳播性好強，一旦流入社區咁就大件事啦！
