政情：公民講場：港鐵事故又多單 佛系陳帆懶懶閒

港鐵近年事故頻生，最新一宗就係西鐵線柯士甸站往尖東路軌出現裂縫，行駛列車要減速，班次自然拖慢喇！話時話，早前有議員質疑港鐵人手不足，「十個茶煲六個蓋」，令到冇解決嘅小問題演變為大事故，仲懷疑政府以「佛系」態度應對，當時運輸及房屋局局長陳帆仲多番強調好重視港鐵資產管理同人手編制等問題。講到實牙實齒，原來只係講一套做一套，話口未完又一單，咁叫做好重視喎，唔該陳帆徹底反省吓，咪搵市民條命仔較飛。