政情：公民講場：境外買電當環保 黃錦星掩眼法做騷

減低碳排放呢個環保目標，應該無人異議，不過用乜嘢方法去達到目標，就係另一回事。環境局轄下可持續發展委員會公布香港「長遠減碳策略」，其中透過區域合作以輸入能源嘅建議，反對嘅市民超過八成。雖然委員會方面解釋，話區域合作嘅建議係面對全球，而非只向內地購電。問題係電力若非來自可再生能源，否則同邊個地方購買電力，都只不過將碳排放轉移他處啫！環境局局長黃錦星不如聽吓環保團體嘅意見，喺提升建築物能源效益、改善城市規劃，同埋多方面增加太陽能光伏科技嘅應用仲好啦。