政情：民主派「惡人告狀」投訴區會秘書處越權
今屆區議會上任未夠一年，多個由民主派主導嘅區議會都因議事「越位」曾上演民政事務專員拉大隊離場嘅戲碼。繼東區、油尖旺同荃灣區後，尋日更發生民主派惡人先告狀事件，有屯門區議員到申訴專員公署投訴，指控民政事務總署轄下嘅屯門區議會秘書處，僭越區議會主席權力，擅自更改會議議程；又質疑其多次離場缺席會議，未有履行秘書處職務，但沒提離場是區議員的討論超出應有範圍。
批率官員離場 未履行職務
屯門區議員盧俊宇尋日聯同多名黨友到申訴署投訴，批評區會秘書處多次涉嫌行政失當，並僭越權力，情況日益嚴重。佢引述會議常規，會議議程係由區議會主席決定，而唔係由秘書處負責；又批評秘書處多次開會期間率領政府官員離場，未有履行秘書處職務，故向申訴專員投訴，希望能撥亂反正。
盧又指已經諮詢法律意見，認為有足夠法理依據提出申訴，又強調申訴專員職權範圍有權處理有關投訴。被問到今次未有就民政事務總署早前拒絕發放薪津事宜一同提出申訴，佢坦言申訴專員處理投訴速度未必咁快，擔心會加重其工作負擔。