政府本來有意喺六月推出健康碼，因爆發第三波疫情就煞停咗。事隔三個月，依家疫情稍為緩和，有民調結果顯示逾六成受訪市民希望盡快有健康碼，但同時憂慮出入境唔使隔離而增加疫情風險亦佔逾四成，可見市民幾咁矛盾。睇嚟創新及科技局局長薛永恒同樣咁矛盾，事關喺健康碼同出入境風險之間點平衡？如果推咗健康碼後，疫情反彈，咁佢肯定孭晒鑊喇！之但係，市民確實有往返內地嘅需要，試問佢又可以拖到幾時呢？
