政情：立會暫不補選 張建宗盼現屆議員齊齊整整

現需聚焦防疫工作

張建宗喺節目期間表示，因為補選涉及二百幾萬人投票，並非一個小數目，而籌組工作亦都需時，強調唔補選嘅理由與押後立法會選舉一樣，認為本港現時應該聚焦喺公共安全衞生及防疫抗疫工作上。

佢又提到，希望現屆議員可以齊齊整整，和衷共濟，繼續履行職務。被問及如果民主派議員決定唔延任，政府會唔會向立法會提交具爭議議案，張就話來年議會時間有限，當局會實事求是，以市民福祉為依歸，有需要就做，冇需要就唔會拎出嚟講。