自香港實施教育體制改革以來，通識科就惹來唔少批評，教育局早前為通識科課本提供「專業意見」以優化內容，誰知此舉反而引起更多爭議。近日就有教育界人士，不滿新版嘅通識課本被修改甚至刪除大量內容，有違當局聲稱嘅「提升教科書質素」、「落實課程嘅宗旨同目標」等目的。其實喺網絡時代，學生吸取知識已經唔再局限於課本，有教師更指當局若果了解學生脾性，就會明白改版只會帶來反效果，總之一句到尾，教育局局長楊潤雄唔好搞埋咁多小動作啦！
