因應第三波疫情，政府打算推出新冠肺炎全民檢測計劃，不過就要巿民自行抽取鼻咽拭子樣本，而非假手於醫護人員。有感染及傳染病專家就質疑，指採集鼻咽拭子樣本，需要將一支類似棉花棒嘅物體放到吊鐘及扁桃腺後，過程會令人非常不適，一般未經訓練嘅市民，好容易會誤取口腔分泌物而並非咽喉分泌液，影響檢測敏感度同準確度。咁即係話就算慳咗醫護人手，亦會因為取樣錯誤而白白浪費資源呀！食物及衞生局局長陳肇始唔好諗埋啲縮數喇！
