日本寫真界一向人才濟濟，當童顏巨乳掌門人篠崎愛逐漸淡出，即刻有可愛兼大波嘅天木純接捧，後者亦不負眾望，其聲勢更可謂橫行一時，但嚟到今年，終於有位挑戰者出現，仲要孭住「隊長」身份，佢就係擁有I Cup巨乳嘅夢見瑠羽！
剛才提及嘅天木純，自從由地下樂隊「仮面女子」轉型為寫真妹之後，人氣拾級而上，更成為當今日本寫真界最具人氣嘅童顏巨乳系女優！講真，天木純嘅外表確係好純好可愛，一對I奶更加又白又嫩，唯獨身高只係得4呎10吋，似乎矮咗少少！但計我話，欣賞寫真女優未必一定要完美，只要賣點夠突出，已經可以收貨。至於今日介紹嘅女優夢見瑠羽，質素同天木純比，可謂旗鼓相當，同樣擁有一副精靈娃娃臉，但眼神帶點姣味。身材方面，瑠羽同純妹一樣，只得4呎10吋高，但就擁有一對令人震驚嘅I Cup大肉彈！
夢見瑠羽喺2019年被一個叫《可以跟着到你家嗎？》嘅電視節目發掘，當時以素人身份參與演出，其激凸身材更成為眾人談論嘅焦點，冇幾耐就有「隊長」呢個花名，仲好快獲寫真界招攬，開始拍水着性感相，並獲封「I奶之最強素人」綽號。事實上，阿妹投身寫真界之後，成績極佳，上年為《FLASH》拍攝嘅數碼寫真，係該雜誌最賣得嘅作品，而喺今年3月推出嘅首隻寫真碟《隊長！！》，亦成為銷售網站偶像寫真碟排行榜冠軍！由於銷情理想，阿妹話咁快又推出第二部作品《ドリーム》，上位速度真係好似搭火箭咁快呀！
身高：4呎10吋
三圍：39-24-34
社交網站
身材激凸嘅夢見瑠羽，最鍾意騷哥利，所以Click入去佢嘅社交網站，不難發現大量性感相，仲會搵到一啲賣弄巨乳嘅自拍影片，大家不妨慢慢欣賞。
網址：https://twitter.com/taicho07789
撰文：賢