爆發第三波疫情，本港經濟沒有最差，只有更差。依家唔少行業都要求政府推出第三輪抗疫基金，希望可以撐落去，但政府尋日話會研究盡力提供支援，但財政資源始終有限，無止境的援助與紓困唔係長久之策，亦唔係解決問題嘅辦法。咁講，即係自顧不暇，想閂水喉咁喎。老實講，疫情打擊各行各業，有啲攞咗政府補貼都未必捱到落去，商務及經濟發展局局長邱騰華應該再諗辦法去幫業界紓困，唔係要業界等運到呀？
