政情：公民講場：公院冇床位政府冇晒計 病人焗困家播毒超危

疫情爆唔停，公立醫院爆晒煲，好多染疫嘅市民因為冇床位入唔到院，有個別嘅病者就困喺屋企期間將病毒傳染畀家人。話時話，唔少政界人士早就建議政府快啲搵地方用嚟治療病人，但政府一直都當耳邊風，依家公院冇床位，搞到病人喺屋企播毒，仲可能會向外擴散，梗係鬧爆食物及衞生局局長陳肇始喇！佢已被轟抗疫慢幾十拍，樣樣嘢都後知後覺嘅話，要打贏呢場疫戰真係唔樂觀。