機會係咪一定要積極爭取呢？有人話如果命中注定有嘅話，就算唔爭取都會有，亦有人話命運由我創，更加需要主動出擊！對於美國人氣四仔新星Mia Melano嚟講，佢絕對係後者。
之所以話Mia Melano相信機會掌握喺自己手中嘅原因，係同佢嘅四仔事業有關。喺美國西雅圖出生嘅佢，外形出眾，身高180cm，三圍更係魔鬼級數嘅36D-24-36，絕對有條件做模特兒。事實上，早喺讀書時，佢希望將來從事模特兒工作，不過其後佢嘅目標改變。據佢講自從睇過四仔名廠Vixen老闆Greg Lansky嘅創業史後，就萌生加入呢間公司工作嘅念頭，不過唔係做普通職員，而係成為脫星。
2018年Mia成年後，並未到Vixen面試，反而為成人網站Blacked演出首套四仔短片《Cold Feet》，憑住高挑及前凸後趷嘅火辣身材，獲得極佳銷量。至於點解佢會揀呢個挑戰黑人猛男嘅成人網站演出呢？原來佢係有計劃o架！獲得演出經驗後，佢就自薦到Vixen，更獲得Greg Lansky接見，雙方一拍即合，對方更為佢訂定未來發展計劃，令佢感到相當興奮，同時亦對未來四仔事業更有信心。
之後，Mia Melano演出Vixen製作嘅短片作品《High Life》，全片只有佢同頭號男優Mick Blue進行激烈床戰，完全零劇情。據Vixen稱呢個安排原因有兩個，一係為咗畀四仔迷知道Mia Melano成為公司旗下新人，另一個係希望透過高質素嘅作品，畀四仔迷更能感受到佢嘅魅力。結果一如預期，Mia Melano人氣極速爆升，同時亦獲得其他大型四仔片廠及著名成人網站嘅垂青，如Jules Jordan Video、Deeper等。
雖然Mia Melano成為炙手可熱嘅脫星，但係佢希望能夠喺演技方面有所進步，於是佢就請教前輩兼人氣脫星Lela Star、Abigail Mac、Riley Reid等，經過指導之後，佢嘅演技愈嚟愈精湛，而最意外嘅得着係，前輩提醒佢管理財政嘅重要性，尤其係隨住佢嘅片酬愈嚟愈高，收入愈嚟愈多，千祈唔好將錢花晒喺玩樂上。因此佢就訂立目標，計劃開拓自己嘅事業，讓自己未來嘅生活更有保障，果然係有樣有身又有腦嘅索女！
Mia Melano平日工作忙碌，所以唔係咁勤力更新社交網，但係佢一得閒就會同粉絲Say Hi，當然唔少得Po性感寫真照益街坊，非常養眼！
網址：https://twitter.com/realmiamelano
出生地：美國西雅圖
身 高：180cm
三 圍：36D-24-36
撰文：魂