繼高中復課後，小四至中二學生尋日亦重返校園，但當中只有極少數係跨境學童，有個別校長都呼籲快啲開關，事關網上教學點都唔及直接授課咁好。話時話，港府同內地傾有關跨境學童嘅安排，但一直都停留喺商討階段，教育局局長楊潤雄好似乜嘢都搞唔掂咁，搞到班學生好似復課無期咁，而啲家長亦擔心配套設施不足等等，唔該楊潤雄着緊啲喇，否則拖到暑假嚟到，仲復課嚟做乜？
