政情：「賣國試題」風波發酵 陳家駒：要堂堂正正做中國人
今年中學文憑試歷史科嘅「日本侵華」試題事件持續發酵，而影響面更伸延到建造業界。話說香港建造業議會主席陳家駒尋日發表網誌，就圍繞呢條試題抒發感受同意見，陳仲引述一個資深建築人嘅說話，指「大家係咪同意豆腐渣工程導致冧樓死人，為建造業帶來嘅係利多於弊？」同埋叮囑建造業議會要用心搞好香港建造學院，唔好成為另一個反中亂港基地咁話。
觸動14億同胞嘅傷痛
陳於網誌中提到，一條歷史科考題觸動咗十四億同胞嘅傷痛，亦引起軒然大波，同埋再次揭露香港教育系統嘅深層次問題。佢指嗰位資深建築人喺抗日戰爭期間出生，近排睇到試題事件更勾起佢好多悲痛回憶，仲同陳講咗好多日本侵華嘅暴行，同中國人受到嘅苦難。
面對依家嘅教育局面，陳認為建造學院除咗令學生有一技傍身外，更需要培養學員成為一個堂堂正正嘅中國人，及規規矩矩嘅香港人。