紀評會話過去一年，香港受反中亂港分子同新冠肺炎困擾，紀律部隊主動出任特務警察止暴制亂，承受自己同家人被起底。喺今年初疫情最嚴峻嘅時候，入境處同事往日本同內地接走滯留港人，海關同事亦緊守關口，其他紀律部隊同事亦克盡己任。
指連鎖反應將削消費力
紀評會話公務員薪酬調整係私人市場的指標，如政府帶頭偏離機制減薪、凍薪，外間機構會跟隨，令香港打工仔一同減薪，連鎖反應將削弱消費力，仲嚴重打擊紀律部隊士氣。警察隊員佐級協會主席林志偉都話，代表逾三萬人嘅警察評議會尊重現行機制，認為唔應該偏離，換句話嚟講，即係唔接受凍薪同減薪囉。