政情：公民講場：西九預告財赤 有樣學樣 等攞公帑填氹

西九文化區管理局日前披露未來三年嘅營運赤字共三十九億元，跟住傳出消息話管理局正研究向政府申請數以十億元撥款嚟完成文化區綜合地庫工程開支。事實上，立法會財務委員會早喺一五年七月批出二十九億元撥款，作為文化區綜合地庫第一同第二階段設計、工地勘測及建造工程費用，依家仲要伸手問政府攞錢填氹，管理局行政總裁栢志高係咪睇到海洋公園咁有樣學樣，又挖民政事務局局長徐英偉攞錢，咪當政府係提款機喎。